|
|
|
جتنـي مثـل غيرهـا بالـورد تطلبنـي
في صورة اعجاب حسن اسلوب واشجاني |
|
تقـول احـس بكلامـك شـي يجذبنـي
بك ميـزة غيـر كـل النـاس يفلانـي |
|
اخفيـت كـل المشاعـر بـس تذبحنـي
صـديـت قلـبـي ولكـنـه تحـدانـي |
|
حلفـت مرخصـك يانفسـي ولكـنـي
لقيـت نفسـي تـردد عـذب الالحانـي |
|
اسمـك وشخصـك وكلـك يامعذبـنـي
اقسـم بربـي احسـك نصفـي الثانـي |
|
اليوم قدمـت لـك قلبـي مـع عيونـي
خذ مـن حياتـي هـواك ولا تناسانـي |
|
مـدت يديهـا وقالـت مـد الايديـنـي
صديت عنها وجـت يـدي علـى اذانـي |
|
قلت اسمعي منتـي اول بنـت تطلبنـي
غيـرك كثيـر الـذي جانـي ترجانـي |
|
مافيـه ابـد مثلهـم بالطيـب والزينـي
لو اطلب المستحيله جـت علـى شانـي |
|
لكني اصدق مـن الـي قلـت واعفينـي
قلبي مع خـل مايرضـى معـه ثانـي |
|
واسئلك من انت يـوم انـك تودينـي ؟
عـرف بنفسـك قبـل بالحـب تبلانـي |
|
وش شفت فيني وجيت وقلـت تبغينـي ؟
سبحان ربي خلق .. بالخلق لـه شأنـي |
|
لو جيت يمـك سالتـك قلـت تهوينـي
لانـي احبـك ابيـك افـداك باخـوانـي |
|
قلتـي مراهـق صغيـر بـس تغوينـي
وش عرفك بي عشـان اليـوم تهوانـي |
|
اقولهـا لـك بصـدق قـبـل تبليـنـي
ان كـان ودك لعـب دور علـى ثانـي |
Tools 
Help
